"
"Odd, Bauldie says very true,--short sheep did make short rents--my
father paid for our steading just threescore punds, and it stands me in
three hundred, plack and bawbee.--And that's very true--I hae nae time
to be standing here clavering--Landlord, get us our breakfast, and see
an' get the yauds fed--I am for doun to Christy Wilson's, to see if him
and me can gree about the luckpenny I am to gie him for his year-aulds.
We had drank sax mutchkins to the making the bargain at St. Boswell's
fair, and some gate we canna gree upon the particulars preceesely, for
as muckle time as we took about it--I doubt we draw to a plea--But hear
ye, neighbour," addressing my WORTHY AND LEARNED patron, "if ye want to
hear onything about lang or short sheep, I will be back here to my kail
against ane o'clock; or, if ye want ony auld-warld stories about the
Black Dwarf, and sic-like, if ye'll ware a half mutchkin upon Bauldie
there, he'll crack t'ye like a pen-gun. And I'se gie ye a mutchkin
mysell, man, if I can settle weel wi' Christy Wilson.
Pages:
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41