Slow Signal Fade ebooks

Your brunstane devilship, I see,
Has got him there before ye;
But haud your nine-tail cat a wee,
Till ance you've heard my story.
Your pity I will not implore,
For pity ye have nane;
Justice, alas! has gi'en him o'er,
And mercy's day is gane.
But hear me, Sir, deil as ye are,
Look something to your credit;
A coof like him wad stain your name,
If it were kent ye did it.


Death and Doctor Hornbook
A True Story

Some books are lies frae end to end,
And some great lies were never penn'd:
Ev'n ministers they hae been kenn'd,
In holy rapture,
A rousing whid at times to vend,
And nail't wi' Scripture.
But this that I am gaun to tell,
Which lately on a night befell,
Is just as true's the Deil's in hell
Or Dublin city:
That e'er he nearer comes oursel'
'S a muckle pity.
The clachan yill had made me canty,
I was na fou, but just had plenty;
I stacher'd whiles, but yet too tent aye
To free the ditches;
An' hillocks, stanes, an' bushes, kenn'd eye
Frae ghaists an' witches.


Pages:
71 72 73 74 75 76 77 78 79 80 81 82 83 84 85 86 87 88 89 90 91 92 93 94 95